Limaj: Enver Hoxhaj nga Vjena thoshte se do të kërkojë azil në Beograd, nëse UÇK e fiton luftën

Kryetari i Nismës Socialdemokrate, Fatmir Limaj, i është përgjigjur nga Malisheva, kryetarit të PDK-së, Enver Hoxhaj i cili dje kishte bërë thirrje që të mos votohet Nisma.

 

 

Ai ka thënë se Enver Hoxhaj është mësu me i pas gjithmonë të gatshme dhe partinë e ka marrë të gatshme keni për ta parë ku do ta çojë, sepse ku ka shkuar i ka zvogëluar.

 

“Kur vijnë në shqip dhe na çojnë ndonjë mesazh duhet me ua kthy selamin”

“Unë gjithmonë e kam nis duke e ndërtuar e kam zhvillu dhe e kam rritë. Dallim tjetër është se ai kurrë një beteje s’ka zhvillu as politike e për këtë tjetren, s’po flas për beteja tjera, ju e dini më mirë”.

Këto komente Limaj i bëri gjatë një takimi me të rinjtë e Malishevës.

Më tutje, ai ka thënë se Enver Hoxhaj vetëm në filmat e Rambos ka pa çka është shpirti luftarak.

“Enveri nuk e di çka është përballja me jetën dhe vdekjen e ka pa në tv. I dashur Enver krejt jeten time që unë e kam rritur në këto troje është përpjekje e sakrificë, dallimi im është se kam qenë në mesin e popullit e ju jeni kanë spektator i asaj që ka ndodhë në Kosovë”.

Më tutje, lideri i Nismës ka thënë se atë s’ka mund ta ndalë Serbia e po e ndal Enver Hoxhaj.

“Edhe unë kam një apel për të gjitha familjet dhe çdo bashkëluftëtar mos e votoni Enver Hoxhën, edhe po tregoj pse në kohën kur unë se bashku më bashkëluftëttar të mi dhe tjerë luftonim për lirinë e Kosvës, Enver Hoxhaj nga Vjena thoshte se do të kërkoj azil në Beograd, nëse UÇK e fiton luftën. Prandaj i ftoj të gjithë bashkëluftëtarët e mi që të mos e e votojnë̈ dikë i cili më dëshirë do të kërkonte azil në Beograd se sa të shihte fitorën e UÇK-së”.

Hoxhaj dje po në Malishevë në një takim me të rinjtë ka thënë që të mos i votojnë partitë që nuk munden ta kalojnë pragun dhe as të qeverisin më shumë se 50 ditë.

Deklarata e plotë e Fatmir Limajt:

https://www.facebook.com/watch/?v=680609609275339

 

 

 

 

 

Leave a Reply

Your email address will not be published. Required fields are marked *