Gruaja e Rexhep Selimit reagon pas kandidimit si deputete

Shqipe Mehmeti-Selimi, bashkëshortja e Rexhep Selimit, ka shkrua rreth kandidimit të saj në listën e Lëvizjes Vetëvendosje si kandidate për deputete në zgjedhjet e 14 shkurtit, e që e mban numrin 10, atë që e ka mbajtur Rexhep Selimi në të gjitha zgjedhjet,

 

 

Ajo ka thënë se ndihet e nderuar që është pjesë e kësaj liste, teksa shton se do të jetë shembull e motiv që të rinjtë dhe të rejat e këtij vendi ta duan dhe ta ruajnë vendin e tyre duke u angazhuar dhe duke mos e braktisur atë.

 

 

“Ashtu sikur dikur si luftëtare e Lirisë me bashkëluftëtarë, poashtu edhe sot me bashkaktivistë në Levizje, sot nesër e kurdoherë do të jem në shërbim të vendit dhe të interesave tona kombetare e shoqërore”, shkruan ajo.

Postimi i saj i plotë:

Sikur secili në listën e 110 kandidatëve për deputet nga Levizja VETËVENDOSJE!, jam e nderuar që të jem pjesë e këtij projekti në rrugën e angazhimit tonë te përbashkët për një shoqëri të drejtë dhe komb të përparuar.

Me LevizjenVETËVENDOSJE! në udhëheqje të  qeverisë dhe si shumicë parlamentare në Kuvendin e Kosovës, angazhimi për realizimin e aspiratave të brezave, do të jetë edhe vullnet dhe detyrë e imja parësore.

Ashtu sikur dikur si luftëtare e Lirisë me bashkëluftëtarë, poashtu edhe sot me bashkaktivistë në Levizje, sot nesër e kurdoherë do të jem në shërbim të vendit dhe të interesave tona kombetare e shoqërore.

Le të jemi shembull dhe motiv që të rinjtë dhe të rejat e këtij vendi ta duan dhe ta ruajnë vendin e tyre duke u angazhuar dhe duke mos e braktisur atë.

Fitorja dhe suksesi i Lëvizjes sonë është tashmë më shumë sesa shpresë, është një realitet që me 14 shkurt do të jetë edhe festë e fitores së re.

 

 

 

Leave a Reply

Your email address will not be published. Required fields are marked *